Author name: admin

Wasiirka Wasaaradda Arrimaha Gudaha, Federaalka iyo Dimuqraadiyeynta Dawladda Puntland Mudane Abdi Farah Juxa oo shirka khudbad ka jeediyey ayaa soo bandhigay shaqooyinka Wasaaradda u qabsoomay, guulaha la gaaray, caqabadaha jira iyo shaqooyinka hadda qorshaysan.   Sidookale, shirka waxaa qayb ka ahaa dhammaan mas’uuliyiinta kala duwan ee Wasaarada Arrimaha Gudaha DPL.   Shirkan oo ah mid muhiimad gaar ah u leh horumarinta hab-maamul daadejinta Puntland, ayaa ujeedkiisu yahay in la xoojiyo adeeg bixinta dawladda, la dhiso awoodda hay’adaha heer deegaan, isla markaana la xaqiijiyo ka-qaybgalka bulshada ee maamulka iyo hannaanka go’aan gaarista.   Waxaa Shirka ka qeybgalaya Golaha Xukuumadda, La-taliyeyaal Madaxweyne, Agaasimeyaasha Guud, Hanti-dhowraha Guud, Taliyeyaasha Ciidanka, Guddoomiyeyaasha Gobollada, Guddoomiyeyaasha Degmooyinka, Agaasime-Waaxeedyada, Isu-duwayaasha Gobollada, Xoghayeyaasha Dowladaha Hoose iyo Masuuliyiinta kale ee Dowladda, kuwaas oo dhammaantood door muuqda ku leh geeddi-socodka maamul daadejinta.   ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GU DAHA DPL.

Garowe: June 10, 2025: Wasaaradda Arrimaha Gudaha, Federaalka iyo Dimuqraadiyeynta Dawladda Puntland iyada oo ixtiraamaysa Xeerka Maamulka Gobolada, Degmooyinka iyo Dhismaha Goleyaasha Deegaanka LR.7. Qodobkiisa 44-aad, Farqaddiisa 2-aad. Iyada oo la xeerinayo duruufaha jiray ee keenay in ay baaqdaan kalfadhiyadii hore, waxay Wasaaradda Arrimaha Gudaha DPL soo saartay jadwalka kalfadhiyada Goleyaasha Deegaanka Degmooyinka Puntland. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Kulanka oo ka dhacay xarunta dhexe ee Wasaaradda ayaa diiradda lagu saaray dardargelinta shaqooyinka Dawladaha Hoose, hagaajinta hannaanka maamulka degmooyinka, iyo u diyaar garowga golayaasha deegaanka oo si rasmi ah u furmaya 11-ka bisha June 2025. Kulankan ayaa waxaa ka soo qaybgalay qaar ka mid ah Guddoomiyaasha Degmooyinka Puntland ee Garowe ku sugan iyo hawl-wadeenada Wasaaradda, waxaana diiradda lagu saaray, Kordhinta waxtarka Maamulka Degmooyinka, dar-dargelinta adeegyada aas-aasiga ah ee bulshada loo hayo, Isku xirka xoojinta xiriirka Dawladda iyo bulshada ku nool Degmooyinka Puntland. Wasiir Kuxigeenka ayaa si gaar ah ugu bogaadiyey guddoomiyeyaasha degmooyinka doorkooda muhiimka ah, isagoo ku dhiirrigeliyay in ay sii xoojiyaan wadashaqeynta kala dhaxeysa wasaaradda iyo hay’adaha maxalliga ah. Wuxuu sheegay in furitaanka kalfadhiga Goleyaasha deegaanka ay fure u yihiin Dimuqraadiyeynta Puntland, isla markaana ay muhiim tahay in looga doodo waxqabadka qabsoomay iyo qorsheyaasha hortabinta leh ee Degmada u qorshaysan. “Degmo walba waxay leedahay door muhiim ah oo ay kaga qeyb qaadaneyso horumarinta nidaamka dowladeed iyo xaqiijinta adeeg hufan oo lagu gaarsiiyo shacabka. Waa waajib in si wadajir ah loo dardargeliyo howlaha horyaalla,” ayuu yiri Wasiir Kuxigeenku. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Garowe: May 29, 2025: Wasiirka Wasaaradda Arrimaha Gudaha, Faderaalka iyo Dimuqraadiyeynta DPL mudane Abdi Farah Juxa wuxuu Xoghaya Dowladda Hoose ee Degmada Bosaaso u magacaabay Maxamuud Cabdullaahi Axmed (Kawte). Sidaa darteed, waxaa la farayaa maamulka Gobolka Bari, kan Degmada Bosaaso iyo Iskuduwaha Wasaaradda Arrimaha Gudaha DPL ee Gobolka Bari in la fuliyo dhaqan gelinta magacaabidda Xoghayaha Cusub.     ▪︎▪︎▪︎DHAMMAAD▪︎▪︎▪︎   XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Kulankan oo ay soo qabanqaabisay Wasaaradda Arrimaha Gudaha, Federaalka iyo Dimoqraadiyeynta Puntland, oo kaashanaysa Hay’adda KAALO, ayaa lagu gorfeeyey Sidii dhalinyaradu wax uga ogaan lahaayeen, sida Dowladda hoose u shaqayso, doorka xildhibaanada iyo adeegyada ay u idman tahay Dowladda hoose inay fuliso.   Intii uu kulanku socday, xildhibaanada Golaha deegaanka ayaa dhalinyarada la wadaagay warbixin ku saabsan hawlahooda iyo waxqabadka ay ka fuliyeen degmada. Dhalinyaraduna waxay soo bandhigeen su’aalo iyo talooyin la xiriira baahiyahooda, sida helitaanka waxbarasho tayo leh, iskuullo farsamo-gacmeed, horumarinta Ciyaaraha iyo ka qaybgalka haweenka ee arrimaha siyaasada iyo maamulk a.

Kulanka ayaa looga hadlay dhowrista Xuquuqul Iinsaanka xiliyada lagu jiro xaaladaha la dagaalanka Argagixisada, saameynta xasilooni darada siyaasadeed ku yeelan karto Xuquuqul Iinsaanka gaar ahaan xaalladda Siyaasadeed ee Soomaaliya wajahayso xiligan. Wasiirka Wasaaradda Arrimaha Gudaha DPL ayaa ergayga warbaahin ka siiyey xaaladda qaxootiga iyo magalya-doonka ku nool Puntland, sida loola shaqmo iyo siyaadda Dawladda Puntland ee ilaalinta xuquuqda aadanaha. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.