mudug

Gaalkacyo: September 16, 2025: Wasiir ku xigeenka Wasaaradda Arrimaha Gudaha, Federaalka iyo Dimuqraadiyeynta Dowladda Puntland Mudane H.E Abdirahman Khaliif Faarah ayaa xilka u kala wareejiyay Duqa cusub ee Degmada Gaalkacyo iyo ku Duqii hore ee Degmada Gaalkacyo. Munaasabadda xilwareejinta Duqa cusub ee Degmada Gaalkacyo Mudane Xuseen CabdinuurMaxamed(Dambalaas) waxaa ka qaybgalay Ks Agaasimaha Waaxda Dowladaha Hoose ee Wasaaradda Arrimaha Gudaha DPL Abshir Hassan Mohamed, la taliyaha Madaxweynaha, Guddoomiyaha Gobolka Mudug, Guddoomiye ku xigeenka 2-aad ee Gobolka Mudug, Xoghayaha Dawladda Hoose iyo xubnaha Golaha Deegaanka Degmada Gaalkacyo. Guud ahaan Madaxda iyo marti sharaftii madasha ka hadashay ayaa Guddoomiyaha Cusub ee Degmada Gaalkacyo kula dardaarmay in uu dadka iyo Degmada ugu shaqeeyo si hufan oo daacadnimo ah. Wasiir ku xigeenka Wasaaradda Arrimaha Gudaha, Federaalka iyo Dimuqraadiyeynta Dowladda Puntland Mudane Cabdiraxmaan Khaliif Faarax ayaa ugu dambeyntii soo xiray madasha xilwareejinta, waxaana uu kula dardarmaay Guddoomiyaha cusub iyo Golaha Deegaanka Degmada in lagu wada shaqeeyo si hufan oo is ixtiraam iyo daacadnimo ku jirto si loo gaaro yoolasha horumarinta Degmada iyo adeegyada bulshada. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Waxaa munaasabada doorashada Guddoomiyaha goobjoog ka ahaa Masuuliyiinta Wasaaradda oo uu hogaaminayo Wasiir Ku-xigeenka Wasaaradda Arrimaha Gudaha, Federalka iyo Dimuqraadiyadda Dawladda Puntland, Mudane H.E Abdirahman Khaliif Faarah , Agaasimaha Waaxda Nabad-dhiska iyo dib u heshiisiinta ee Wasaaradda Arrimaha Gudaha, Cabdulqaadir Cabdimaalik Maxamuud, Agaasimaha Waaxda Dawladaha Hoose Abshir Hassan Mohamed, Iskuduwaha Wasaaradda ee Gobolka Mudug Cabdifitaax Samatar Ciise, Guddoomiyaha Gobolka Mudug iyo ku xigeenkiisa, Guddoomiyaha Galmudug ee Gobolka Mudug iyo Duqa Degmada Gaalkacyo dhinaca Galmudug, Golaha garsoorka, laamaha amaanka, Guddoomiye ku xigeenka Degmada, Guddoomiyihii hore ee Degmada Gaalkacyo, Xubnaha Golaha Deegaanka, Xoghayaha Dawladda Hoose, shaqaalaha kala duwan ee Degmada iyo qaybaha kala duwan ee bulshada Degmada Gaalkacyo. Guddoomiyaha Golaha Deegaanka ahna Duqa Degmada Gaalkacyo waxaa isu soo taagay 3 musharax Musharax kuwaas oo wareegga 1-aad kala helay codad:- 1. Xuseen Cabdi Maxamed (Danbalaas) 17 Cod. 2. Cabdiraxmaan Axmed Daahir. 8 Cod. 3. Bashiir Cabdicasis Warsame 7 Cod. ugu dambeyntii Doorashada oo la galay labo wareeg ayaa waxaa Duqa cusub ee Degmada Gaalkacyo ku guulaystay Mudane Xuseen Cabdinuur Maxamed (Dambalaas) wuxuun helay 21 cod. Halka musharax kaalinta labaad Mudane Cabdiraxmaan Axmed Daahir uu wareegga 2-aad helay 11 Cod. Waxaa Natiijada Rasmiga ah ee doorashada Duqa cusub ee Degmada Gaalkacyo ku dhawaaqay Wasiir ku xigeenka Wasaaradda Arrimaha Gudaha, Federaalka iyo Dimuqraadiyeynta Dawladda Puntland Mudane Cabdiraxmaan Khaliif Faarax, intaas kadib waxaa la guda galay daarinta Guddoomiyaha cusub. Doorashadan ayaa ku dhacday jawi nabdoon, hufan sido kalena Hannaanka doorashada ayaa ahaa mid si xor ah, xalaal ah oo hufan taasoo muujinaysa kalsoonida bulshada iyo horumarka laga sameeyay geeddi-socodka dimuqraadiyadda Dawladda Puntland. Mas’uuliyiinta Wasaaradda ayaa si weyn u bogaadiyay doorkii uu qabtay Guddoomiyihii hore, Mudane Maxamed Cabdirisaaq Warsame, gaar ahaan horumarka, nabadgelyada, iyo adeegsiga maamulka wanaagsan ee uu muujiyay muddadii uu xilka hayay. Sidoo kale, waxay ammaan u jeediyeen Golaha Deegaanka degmada Boosaso oo ku dhaqmay habraac dimuqraadi ah oo hufan. Wasaaradda Arrimaha Gudaha Federalka iyo Dimuqraadiyadda Dawladda Puntland waxay mar walba garab taagan tahay Dawladaha hoose, waxayna dhiirrigelisaa in Guddoomiyaha cusub uu sii xoojiyo wada-shaqeynta bulshada, Hay’adda kala duwan Dawladda, daahfurnaanta, iyo adeegyada muhiimka ah ee Degmada Gaalkacyo u baahantahay in laga qabto in ka dhiman muddo xileedka Golaha Deegaanka. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

K/S Agaasimaha Waaxda Dowladaha Hoose ee Wasaaradda Arrimaha Gudaha, Federaalka iyo Dimuqraadiyeynta Dawladda Puntland Abshir Hassan Mohamed oo kormeer shaqo ku jooga Degmada Jariiban ee Gobolka Mudug ayaa kulan la qaatay Guddoomiyaha Degmada Cabdishakuur Maxamed Faarax, Agaasimayasha Waaxyaha Dawladda Hoose iyo shaqaalaha ka shaqaynayey diiwaangalinta caruurta ka yar shanta sano ee Degmada Jariiban. Kormeerkan ayaa qayb ka ah hawlgal ballaaran oo lagu dardargelinayo diiwaangalinta carruurta ka yar shanta sano, taas oo hadda si habsami leh uga socota dhammaan deegaanada hoos taga Degmada Jariiban. Wasaaradda Arrimaha Gudaha, Federaalka iyo Dimuqraadiyeynta Dawladda Puntland, oo kaashanaysa hay’adda UNICEF iyo Maamulka Degmada Jariiban ee Gobolka Mudug, ayaa xoojineysa dadaallada lagu hubinayo in la helo xog sugan oo dhammaystiran oo ku saabsan tirada iyo xaaladda carruurta ka yar shanta sano. ▪︎▪︎▪︎DHAMMAAD▪︎▪︎▪︎

Kormeerkan ayaa qayb ka ah hawlgal ballaaran oo lagu dardargelinayo diiwaangalinta carruurta ka yar shanta sano, taas oo hadda si habsami leh uga socota dhammaan deegaanada hoos taga Degmada Jariiban. Wasaaradda Arrimaha Gudaha, Federaalka iyo Dimuqraadiyeynta Dawladda Puntland, oo kaashanaysa hay’adda UNICEF iyo Maamulka Degmada Jariiban ee Gobolka Mudug, ayaa xoojineysa dadaallada lagu hubinayo in la helo xog sugan oo dhammaystiran oo ku saabsan tirada iyo xaaladda carruurta ka yar shanta sano. ▪︎▪︎▪︎DHAMMAAD▪︎▪︎▪︎

Kalfadhigan ayaa waxaa lagaga hadlay arrimo dhowr ah oo quseeya horumarinta adeegyada bulshada, dib-u-habeynta qorshayaasha horumarineed ee Degmada, iyo xoojinta Dimuqraadiyadda heer Degmo. Waxaa furitaanka kalfadhiga ka qeyb galay mas’uuliyiin ka tirsan Wasaaradda Arrimaha Gudaha Puntland oo uu hogaaminayo Guddoomiyaha Gobolka Mudug Mudane Faysal Sheikh Cali, Iskuduwaha Wasaaradda Arrimaha Gudaha ee Gobolka Mudug Cabdifitaax Samatar Ciise, guddoomiyaha Degmada, xubnaha Golaha deegaanka, iyo marti-sharaf kale oo lagu casuumay. Guddoomiyaha Gobolka oo khudbad ka jeediyey madasha daah-furka kalfadhigan ayaa ku bogaadiyey dadaalka Golaha Deegaanka Xarfo isku xirnaanta iyo shaqooyinka muhiimka ah ee ay Degmada u hayaan, wuxuuna faray inay sii xoojiyaan wada shaqeynta bulshada iyo hirgelinta maamul daadejin iyo adeeg bixinta Dawladda Hoose. Kalfadhigan wuxuu qeyb ka yahay dadaallada joogtada ah ee Dawladaha Hoose ku hormarinayaan daahfurnaanta, isla xisaabtanka, iyo adeeg bixinta dowladeed ee degmooyinka Puntland. ▪︎▪︎▪︎DHAMMAAD▪︎▪︎▪︎

Ujeeddada Tababarka: Tababarka ayaa ah mid lagu diyaarinayo dhalinyarada ka qeyb qaadan doona ololaha diwaangelinta dhalashada carruurta ka yar 5 sano. Waxaa la doonayaa in ololahan uu ka hirgalo guud ahaan Degmada Jariiban iyo deegaamada hoos yimaada. Muddada Tababarka: Tababarku wuxuu socon doonaa muddo 11 maalmood ah. Ahmiyadda Barnaamijkan: Ujeedka ugu weyn ee tababarku waa in la xaqiijiyo in ilmo kasta helo warqad dhalasho, taas oo caddeyn u noqon doonta: Waqtiga uu dhashay. Taariikhda dhalashadiisa. Arrintan ayaa kaalin muhiim ah ka qaadan doonta xaqiijinta xuquuqda carruurta iyo helitaanka adeegyada muhiimka ah sida waxbarashada, caafimaadka, iyo ilaalinta sharciga. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Barnaamijkan oo muhiim u ah xaqiijinta xuquuqda aasaasiga ah ee ilmaha Reer Puntland, gaar ahaan dhanka aqoonsiga sharciyeed, ayaa si weyn loo soo dhaweeyay. Madasha Daah-furka waxaa ka soo qaybgalay Agaasimaha Waaxda Nabad-dhiska iyo Dib-u-heshiisiinta ee Wasaaradda Arrimaha Gudaha Puntland, Abdulkadir Abdimalik Maxamuud Maaliki Ilweyn, Ku-simaha Agaasimaha Waaxda Dowladaha Hoose Abshir Hassan Mohamed, Guddoomiyaha Degmada Jariiban Abdishakuur Maxamed Faarax iyo Guddoomiye ku xigeenkiisa Mursal Axmed Dhaqaf, Xoghayaha Degmada iyo Wakiillo ka socday Hay’adda UNICEF, oo ay hoggaaminaysay Kalsoon Abdulkadir, oo ah Child Protection Specialist, UNICEF Office of Somalia. Ololahan diiwaangelinta dhalashada ayaa qeyb ka ah dedaallada wadajirka ah ee lagu horumarinayo adeegyada madaniga ah, lana doonayo in dhammaan caruurta Degmada Jariiban ee Gobolka Mudug ay helaan shahaado muujinaysa dhalashadooda, taas oo muhiim u ah helitaanka adeegyada caafimaadka, waxbarashada iyo xuquuqaha kale ee dastuuriga ah. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Furitaanka kalfadhiga Golaha Deegaanka Degmada Galdogob ee Gobolka Mudug waxaa goobjoog ahaa Guddoomiyaha Gobolka Mudug Mudane Faysal Sheikh Cali, Guddoomiye ku xigeenka Gobolka Mudug Mudane Maxamed Xasan Xuseen Waloore iyo Iskuduwaha Wasaaradda Arrimaha Gudaha DPL ee Gobolka Mudug CabdifitaaxSamatarCiise, Guddoomiyaha Golaha deegaanka ahna Duqa Degmada Galdogob, Xubnaha Golaha Deegaanka Degmada Galdogob iyo qaybaha kala duwan ee bulshada Degmada. Guddoomiyaha Gobolka oo kalmad ka jeediyey furitaanka kalfadhiga 23-aad ee Golaha Deegaanka Degmada Galdogob ayaa ku bogaadiyey Golaha Deegaanka sida ay uga go’an tahay inay si hufan u gutaan waajibaadkooda, isagoo xusay in dowladdu ay garab taagan tahay dadaallada lagu horumarinayo Degmada. Waxuuna sidoo kale, carabka ku adkeeyay in laga shaqeeyo baahida loo qabo iskaashi buuxa oo ka dhexeeya laamaha dowliga ah iyo shacabka. Kalfadhiga 23-aad ee Golaha Deegaanka Degmada Goldogob ayaa inta uu socdo waxaa lagu lafo-gurayaa arrimo muhiim ah oo la xiriira adeegyada bulshada, qorshaha horumarinta Degmada, isla-xisaabtanka iyo dib-u-eegista miisaaniyadda sanadka 2025 ee Degmada waxaana la rajeynayaa in kalfadhigani uu horseedo go’aamo waxtar u leh bulshada Degmada Galdogob ee Gobolka Mudug. Wasaaradda Arrimaha Gudaha, Federaalka iyo Dimuqraadiyeynta Dawladda Puntland waxay marwalba xoojinaysaa in Goleyaasha Deegaanka Degmooyinka Puntland ee shacabku soo doortay ay dadka ugu adeegaan si hufan, waxtar leh, kuna dhisan kalsoonida dadweynaha soo doortay, waxaana lagu kormeeri doonaa ku dhaqanka sharciga iyo ilaalinta waajibaadka shaqo ee fulinta. Ugu dambeyntii Wasaaradda Arrimaha Gudaha DPL waxay ku bogaadinaysaa Maamulka Degmada, Xubnaha Golaha Deegaanka iyo bulshada qaybaheeda kala duwan ee Degmada Galdogob, sida ay isugu duubanyihiin, una xalistaan khilaafaadka gudahooda iyo u aaddgidda bulshada si wada jir ah. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Kullamadaas waxaa qeyb ka ahaa masuuliyiin ka socotay Waaxda Daryeelka Bulshada ee Wasaaradda Arrimaha Gudaha , isuduwaha Wasaaradda Arrimaha gudaha Gobolka Mudug. Ugu horayn waxaa kulanka daah furay Guddoomiyaha Degmada Bursaalax Maxamed Cabdullaahi Khaliif iyo ku xigeenkiisa, waxayna ka warbixiyeen xaaladda degmada iyaga oo soo dhoweeyey hadalka musuuliyintii ka socotay Wasaaradda Arrimaha Gudaha oo iyaguna kawarbixiyey ujeedada kormeerkooda iyagoo sheegay in Wasaaraddu Arrimaha Gudaha siyaasad ka leedahay barakacnimada joogtada noqotay, yaraynta kaamamka , yaacsanaanta kaamamka iyo in hal meel la isugu geeyo kaamamka si loo buuxiyo adeegyada asaasiga ah loona guuro Xalka waara. Ugu danbayn waxaa la isku raacay in la xoojiyo wada shaqaynta bah-wadaagta barnaamijka xalka waara (Durable Solution) ee degmada Bursaalax. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.