sanaag

Guddoomiyaha Golaha Deegaanka ahna Duqa Degmada Badhan Cawad Cali Xiirey ayaa khudbadiisa rasmiga ku daahfuray agenjadaha shirka iyo waxbadkii Golaha intii labadaba kalfadhiga u dhaxaysay. Munaasabadda furitaanka kalfadhiga ayaa ahayd mid si heer sare ah loo soo agaasimay, waxaana ka soo qeyb galay masuuliyiin kala duwan oo ka tirsan dowladda Puntland, Gudoomiyaha Gobolka Sanaag maamulka degmada Badhan, saraakiil ciidan, haween, dhalinyaro iyo qeybaha kala duwan ee bulshada rayidka ah. Kalfadhigan 3-aad ee Golaha Deegaanka Badhan ayaa ah mid muhiim u ah dardargelinta hannaanka dowlad-dhisidda ee heer degmo, gaar ahaan xoojinta dimuqraadiyeynta, ka-qaybgalka bulshada iyo hirgelinta adeegyada aasaasiga ah ee ay degmadu u baahan tahay. Wasiir doowlaha oo khudbad ka jeediyey furitaanka kalfadhiga 3-aad ee Golaha Deegaanka Degmada Badhan ayaa ku bogaadiyey Golaha Deegaanka sida ay uga go’an tahay inay si hufan u gutaan waajibaadkooda, isagoo xusay in dowladdu ay garab taagan tahay dadaallada lagu horumarinayo Degmada. Wasaaradda Arrimaha Gudaha, Federaalka iyo Dimuqraadiyeynta Dawladda Puntland waxay marwalba xoojinaysaa in Goleyaasha Deegaanka Degmooyinka Puntland ee shacabku soo doortay in ay dadka ugu adeegaan si hufan, waxtar leh, kuna dhisan kalsoonida dadweynaha soo doortay, waxaana lagu kormeeri doonaa ku dhaqanka sharciga iyo ilaalinta waajibaadka shaqo ee fulinta. Ugu dambeyntii Wasiir doowlaha Wasaaradda Arrimaha Gudaha DPL wuxuu bogaadiyey Maamulka Degmada, Xubnaha Golaha Deegaanka iyo bulshada qaybaheeda kala duwan ee Degmada Badhan, wuxuuna kula dardarmaay in ay xoojiyaan isku duubnaanta, hufnaanta shaqo iyo in ay xalintaas khilaafaadka gudahooda ah iyo u aaddgidda bulshada si wada jir ah. Ajandihiina waa la ansaxiyey. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Wafdiga ayaa si diirran loogu soo dhaweeyay magaalada Baran, waxaana halkaas ku qaabilay Duqa Degmada Baran, Guddoomiyaha Gobolka Sanaag, iyo Xoghayaha Dowladda Hoose ee Degmada. Intii uu socday socdaalkooda, Wasiir-Dawlaha iyo wafdigiisu waxay kormeer ku tageen xarumo muhiim ah oo ka mid yahay suuqa casriga ah ee dhawaan laga hirgeliyey Degmada. Suuqan oo ay u dhamaystiranyihiin adeegyadiisa kala duwan, ayaa la filayaa inuu rasmiyan furmo dhawaan, waxaana ka faa’iidaysan doona in ka badan 600 qof marka si buuxda loo howlgeliyo. Sidoo kale, mas’uuliyiintu waxay ka qeybgeli doonaan furitaanka kalfadhiga Golaha Deegaanka ee Baran, oo ah tallaabo muhiim ah oo lagu xoojinayo ka qaybgalka shacabka iyo horumarinta Maamulka Dawladda hoose. Wasaaradda Arrimaha Gudaha, Federaalka iyo Dimuqraadiyeynta Puntland waxay xoojinaysaa sii wadidda hawlaheeda lagu horumarinayo dowlad-dhiska, kor loogu qaadayo tayada adeegyada degmooyinka, iyo hirgelinta maamul daadejin ku saleysan sharciga, hufnaanta iyo ka jawaabidda baahiyaha shacabka. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Wafdiga Wasiirka waxaa ka mid ahaa Agaasimaha Guud ee Wasaaradda, Mudane Mohamed Ali Farah (Farmayeri), iyo Abwaan Abdulqaadir Biriir, markii ay gaareen magaalada Baran, waxaa si diirran ugu soo dhaweeyey Guddoomiyaha Gobolka Sanaag, Maayarka Degmada Badhan, iyo Xoghayaha Dawladda Hoose ee Degmada Baran. Masuuliyiinta waxay booqasho sharafeed iyo salaam ugu tageen Gurigiisa Suldaan Siciid Suldaan Abdisalaan Suldaan Mahamud Ali Shire, oo ka mid ah isimada waaweyn ee Puntland. Wasiiru-Dawlaha ayaa Suldaanka uga warbixiyey ujeeddada safarkooda iyo howlaha ay Wasaaraddu ka waddo Gobolka Sanaag, gaar ahaan Degmada Baran. Suldaanka ayaa uga mahadceliyey booqashada wafdiga, wuxuuna xoojiyey shaqada wanaagsan ee Wasaaradda Arrimaha Gudaha ay ka hayso Gobolka. Ugu dambayn, Wasiiru-Dawlaha ayaa isna dhankiisa uga mahadceliyey Suldaanka sida diirran ee uu u soo dhaweeyey wafdiga, isagoo adkeeyey doorka muhiimka ah ee dhaqanka iyo isimadu ku leeyihiin nabadda iyo dowladnimada. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Guddoomiyaha Golaha Deegaanka ahna Duqa Degmada Dhahar Bashiir Maxamed Ciise ayaa khudbadiisa rasmiga ku daahfuray agenjadaha shirka iyo waxbadkii Golaha intii labadaba kalfadhiga u dhaxaysay. Furitaanka kalfadhiga Golaha Deegaanka Degmada Dhahar ee Xarunta Gobolka Haylaan waxaa goobjoog ahaa Guddoomiyaha Gobolka Haylaan Mudane Maxamed Aaden Faarax, Xoghayaha Wasaaradda Arrimaha Gudaha ahna ku simaha Agaasimaha Waaxda Dowladaha Hoose Abshir Hassan Mohamed, Guddoomiyaha Golaha deegaanka ahna Duqa Degmada Dhahar Bashiir Maxamed Ciise Guddoomiye ku xigeenka Degmada Dhahar, Laamaha amniga Degmada, ururka Haweenka Degmada, Xubnaha Golaha Deegaanka Degmada Dhahar, guurtida iyo cuqaasha Degmada, iyo qaybaha kala duwan ee bulshada Degmada. Wasiir ku-xigeenka ahna ku simaha Wasiirka oo khudbad ka jeediyey furitaanka kalfadhiga 3-aad ee Golaha Deegaanka Degmada Dhahar ayaa ku bogaadiyey Golaha Deegaanka sida ay uga go’an tahay inay si hufan u gutaan waajibaadkooda, isagoo xusay in dowladdu ay garab taagan tahay dadaallada lagu horumarinayo Degmada. Wasaaradda Arrimaha Gudaha, Federaalka iyo Dimuqraadiyeynta Dawladda Puntland waxay marwalba xoojinaysaa in Goleyaasha Deegaanka Degmooyinka Puntland ee shacabku soo doortay in ay dadka ugu adeegaan si hufan, waxtar leh, kuna dhisan kalsoonida dadweynaha soo doortay, waxaana lagu kormeeri doonaa ku dhaqanka sharciga iyo ilaalinta waajibaadka shaqo ee fulinta. Ugu dambeyntii Wasiir ku xigeenka ahna ku simaha Wasiirka Wasaaradda Arrimaha Gudaha DPL wuxuu bogaadiyey Maamulka Degmada, Xubnaha Golaha Deegaanka iyo bulshada qaybaheeda kala duwan ee Degmada Dhahar, wuxuuna kula dardarmaay in ay xoojiyaan isku duubnaanta, hufnaanta shaqo iyo in ay xalintaas khilaafaadka gudahooda ah iyo u aaddgidda bulshada si wada jir ah. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Kulankaan ayaa waxaa ka soo qaybgalay Guddoomiyaha Golaha Deegaanka ahna Duqa Degmada Xingalool, ku xigeenkiisa, Xogahayaha Dawladda Hoose iyo xubnaha Golaha Deegaanka Degmada Xingalool. Kulanka oo ay soo agaasintay Dawladda Hoose ee Degmada iyo Golaha Deegaanka ayaa wuxuu daaranaa isla-xisaabtan iyo kala warqaadasho u dhaxeeya Wasaaradda Arrimaha Gudaha DPL, maamulka Gobolka Sanaag iyo Golaha Deegaanka Degmada Xingalool ee Gobolka Sanaag. Intii kulanka socday ayaa waxaa looga dooday baahiyaha guud ee Degmada kuwa heer Gobol iyo Dawladda dhexe, sida helidda mashaariicda, ka qaybgalka wax qaybsiga Gobolka, helidda kastamka Degmada, xoojinta iyo ka qaybgalka adeegyada bulshada iyo Arrimaha deegaanka. Dhammaan xubnaha Golaha Deegaanka Degmada Xingalool ee shirka joogay ayaa su’aalo kala duwan oo ku dhisan waajibaadyada shaqo ee loo doortay waydiiyey madaxda shirka joogtay. Ugu dambeyntii ku simaha Wasiirka ahna Wasiir ku xigeenka Wasaaradda Arrimaha Gudaha DPL Mudane Cabdiraxmaan Khaliif Faarax ayaa ka jaawaabay Dhammaan su’aalihii wax laga waydiiyey ee Degmada Xingalool iyo baahiyaheeda la xiriiray Wasiirka ayaa sheegay in Dawladdu la weelayn doono soo jeedinta Golaha Deegaanka iyo bulshada Degmada si deg deg ahna wax looga qaban doono iyada oo kala hormarinayo sida ay mudnaanta u kala leeyihiin. Sidookale, Wasiir Cabdiraxmaan Khaliif ayaa xusay in ay muhiim tahay in la xoojiyo nidaamka maamulka Maaliyadeed ee Dawladda Hoose, lana kiciyo canshuuraha Degmada taas oo lagu duldhiso doono mashaariicda loo helo Degmada. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Wasiirka oo u kuurgalay xaaladda guud ee Degmada gaar ahaan kaabayaasha horumarinta Arrimaha Bulshada ayaa bogaadiyey Golaha Deegaanka iyo bulshada qaybaheeda kala duwan oo ku dhiiraday in si isku tashi ah looga shaqeeyo goobaha muhiimka ah ee Degmada iyo deegaanada hoostaga. Wasiirka ayaa caddeeyey in Dawladda Puntland ay door muuqda ka qaadan doonto horumarinta Degmada Xingalool iyo guud ahaan Degmooyinka Gobolka Sanaag. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Guddoomiyaha Golaha Deegaanka ahna Duqa Degmada Xingalool Mudane Mustafe Axmed Caydiid ayaa khudbadiisa rasmiga ku daahfuray agenjadaha shirka iyo waxbadkii Golaha intii labadaba kalfadhiga u dhaxaysay. Furitaanka kalfadhiga Golaha Deegaanka Degmada Xingalool ee Gobolka Sanaag waxaa goobjoog ahaa Guddoomiyaha Gobolka Sanaag Mudane SiciidBadmaaxJaamac, Xoghayaha Wasaaradda Arrimaha Gudaha ahna ku simaha Agaasimaha Waaxda Dowladaha Hoose Abshir Hassan Mohamed, Guddoomiyaha Golaha deegaanka ahna Duqa Degmada Xingalool Mudane Mustafe Axmed Caydiid, Guddoomiye ku xigeenka Degmada Xingalool, Laamaha amniga Degmada, ururka Haweenka Degmada, Xubnaha Golaha Deegaanka Degmada Xingalool, guurtida iyo cuqaasha Degmada, iyo qaybaha kala duwan ee bulshada Degmada. Wasiir ku-xigeenka ahna ku simaha Wasiirka oo khudbad ka jeediyey furitaanka kalfadhiga 3-aad ee Golaha Deegaanka Degmada Xingalool ayaa ku bogaadiyey Golaha Deegaanka sida ay uga go’an tahay inay si hufan u gutaan waajibaadkooda, isagoo xusay in dowladdu ay garab taagan tahay dadaallada lagu horumarinayo Degmada. Waxuuna sidoo kale, carabka ku adkeeyay in laga shaqeeyo baahida loo qabo iskaashi buuxa oo ka dhexeeya laamaha dowliga ah iyo shacabka. Sidoo kale, Wasiir Cabdiraxmaan Khaliif ayaa xusay in bulshada Degmada Xingalool iyo Golahooda Deegaanka ay door muuqda ka qaateen barnaamijyada iskutashi bulshada iyo wax-wadaqabsi si darteed, Wasaaraddu ay door muuqda ka qaadan doonta kor u qqadista kaabayaasha horumarinta Degmada Xingalool Gobolka Sanaag. Kalfadhiga 3-aad ee Golaha Deegaanka Degmada Xingalool ayaa waxaa loogu ansixiyey Ajandaha rasmi ah ee Golahu ku shaqayn-doono, waana sidaan hoose:- 1. Soo bandhigidda Waxqabadkii Degmad iyo isla xisaabtanka Golaha Deegaanka. 2. ka doodista iyo ansixinta qorshaha 6-da Bilood ee Degmada. 3. soo bandhigidda Xeerarka Deegaanka oo heer Degmo ah iyo ansixintooda. 4. Miisaaniyada iyo dib u eegista Canshuuraha Degmada Xingalool. 5. Qorshaha dhulka (Bogcadaha magaalada) 6. Dib u eegista Xubnaha guddiga joogtada ah. 7. in 7 Beri laga dhigo waqtiga uu soconayo kalfadhiga 3-aad ee Golaha Deegaanka Degmada XiXingalool. Wasaaradda Arrimaha Gudaha, Federaalka iyo Dimuqraadiyeynta Dawladda Puntland waxay marwalba xoojinaysaa in Goleyaasha Deegaanka Degmooyinka Puntland ee shacabku soo doortay in ay dadka ugu adeegaan si hufan, waxtar leh, kuna dhisan kalsoonida dadweynaha soo doortay, waxaana lagu kormeeri doonaa ku dhaqanka sharciga iyo ilaalinta waajibaadka shaqo ee fulinta. Ugu dambeyntii Wasiir ku xigeenka ahna ku simaha Wasiirka Wasaaradda Arrimaha Gudaha DPL wuxuu bogaadiyey Maamulka Degmada, Xubnaha Golaha Deegaanka iyo bulshada qaybaheeda kala duwan ee Degmada Xingalool, sida ay isugu duubanyihiin, una xalistaan khilaafaadka gudahooda iyo u aaddgidda bulshada si wada jir ah. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Kulankan oo ay soo qabanqaabisay Wasaaradda Arrimaha Gudaha, Federaalka iyo Dimuqraadiyeynta Dawladda Puntland oo kaashanaysa Hay’adda KAALO, ayaa lagu gorfeeyey Sidii dhalinyaradu wax uga ogaan lahaayeen sida Dawladda Hoose u shaqayso, doorka xildhibaanada iyo adeegyada ay u idman tahay Dawladda Hoose inay fuliso. Intii uu kulanku socday, xildhibaanada Golaha deegaanka ayaa dhalinyarada la wadaagay warbixin ku saabsan hawlahooda iyo waxqabadka ay ka fuliyeen degmada, Dhalinyaraduna waxay soo bandhigeen su’aalo iyo talooyin la xiriira baahiyahooda, sida helitaanka waxbarasho tayo leh, iskuullo farsamo-gacmeed, horumarinta Ciyaaraha iyo ka qaybgalka haweenka ee arrimaha siyaasada iyo maamulka. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Ceelbuuh: April 29, 2025: Wasiirka Wasaaradda Arrimaha Gudaha, Federaalka iyo Dimuqraadiyeynta Mudane Cabdi Faarax Siciid Juxa iyo Wasiir ku xigeenka Mudane Cabdiraxmaan Khaliif Faarax ayaa ka qaybgalay xiritaanka gogosha nabadeynta beelaha walaaha ah ee dirirtu ku dhexmartay Deegaanka Dooxada Dureera ee Gobolka Sanaag. Waftiga Dawladda Puntland ee ka qaybgalay xiritaanka gogosha nabadaynta beelaha walaalaha ah ayaa ka kooban labada Gole ee Dawladda Puntland (Xukuumadda iyo Baarlamaanka), Dhanka xukuumadda: Wasiirka Wasaaradda Arrimaha Gudaha DPL Mudane Cabdi Faarax Siciid Juxa, Wasiirka Wasaaradda Caafimaadka Dawladda Puntland Mudane Siciid Jaamac Qoorsheel, Wasiir ku-xigeenka Wasaaradda Arrimaha Gudaha DPL Mudane Cabdiraxmaan Khaliif Faarax, Wasiiru-Dowlaha Wasaaradda Duulista hawada iyo Garoomada Mudane Siciid Maxamed Awaare, Dhanka Maamulka Gobolka Sanaag: Gudoomiyaha Gobolka Sanaag Siciid Badmaax Jaamac iyo Guddoomiyaasha Degmooyinka Buraan iyo Xiingalool. Dhanka dhaqanka waxaa ka soo qaybgalay Suldaan Siciid Suldaan Cabdisalaan, Islaan Ciise Islaan Maxamed, Ugaas Cabdifitaax Ugaas Yaasiin, Suldaan Maxamed Suldaan Cabdullaahi Cartan iyo Islaan Xuseen Xaji Cabdi. Shirka nabadeynta beelaha Walaalaha ah ayaa April 14, 2025 ka furmay magaalada Ceelbuuh ee Gobolka Sanaag wuxuuna socday muddo 16 beri ah, waxaana ka soo baxay go’aamo guddi oo nabadda u hiilinaya. Dhanka kale, labada beelood ee Walaalaha ah ayaa si isku mid ah u soo dhaweeyey Guddoonka iyo go’aamada guddiga, waxayna balanqaadeen in ay aqbaleen, ku shaqayn doonaan kuna dhaqmi doonaan. Wasiirka Wasaaradda Arrimaha Gudaha, Federaalka iyo Dimuqraadiyeynta Dawladda Puntland Mudane Cabdi Faarax Siciid Juxa ayaa u mahadceliyey Isimada dhaqanka ee muddo ku sugnaa deegaanka, Guddiga dhex-dhexaadinta Beelaha 21 ahaa, Laamaha amniga oo ilaa March 10, 2025 ku sugnaa deegaankii dhibka ka dhacday iyo labadaba beelood ee Sidookale, Isimada dhaqanka Dawladda Puntland ee hormuudka u ahaa nabadda ayaa ka mahadceliyey sidii wanaagsanayd ee Wax-garadka iyo Cuqaasha labada beelood u ajiibeen go’aamadii guddiga ka soo baxay waxayna ugu duceeyeen in alle intii dhimatay u naxariisto samir iyo iimaan buuxana ka siiyo eheladdii iyo qaraabaddii, wixii dhaawac ahna u booga dhayo. ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

• Kobcinta xirfadaha hoggaamineed • Aqoonta civics-ka iyo doorka muwaadinka • Isgaarsiin wax-ku-ool ah iyo wada-shaqeyn Degmo kasta waxaa tababarka ka faa’iidaystay 20 xubnood oo ka tirsan Golaha Dhalinyarada Degmada, kuwaas oo ka go’an inay door muuqda ka qaataan horumarinta bulshadooda. Tababarradan waxay qeyb ka yihiin dadaallada joogtada ah ee Wasaaradda Arrimaha Gudaha ku horumarinayso kartida dhalinyarada, si ay mustaqbalka u noqdaan hoggaan wax-ka-bedel ku sameeya deegaanka ay ku nool yihiin ▪︎▪︎▪︎DHAMMAAD▪︎▪︎▪︎ XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.