Mas’uuliyiinta dowladda ayaa si diirran loogu soo dhaweeyay degmada Buraan, halkaas oo ay kusoo dhoweeyeen Guddoomiyaha degmada Buraan Mudane Ismaaciil Cabdi Gurey, Guddoomiye ku-xigeenka gobolka Haylaan Mudane Fuaad Maxamed Muuse, iyo Taliyaha Saldhigga Booliska ee degmada Buraan G/sare Siciid Shalmad.
Intii uu socday socdaalka, Wasiir Dowlaha iyo wafdigiisa waxay kormeer ku tageen xarumo muhiim ah oo ku yaalla deegaanka, waxayna la yeesheen kulammo wadatashi iyo xog-is-weydaarsi ah madaxda deegaanka iyo qaybaha kala duwan ee bulshada.
Mas’uuliyiintu waxay ka qeyb geli doonaan furitaanka kalfadhiga Golaha Deegaanka ee Buraan, oo ah mid muhiim u ah xoojinta ka qaybgalka shacabka iyo kobcinta maamulka hoose, Wasaaradda Arrimaha Gudaha iyo Dimuqraadiyeynta Puntland waxay sii wadi doontaa howlaheeda ku aaddan xoojinta dowlad-dhiska, kor u qaadista tayada adeegyada degmooyinka, iyo hirgelinta maamul daadejin ku saleysan sharciga iyo hufnaanta.
▪︎▪︎DHAMMAAD▪︎▪︎▪︎
XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.
