Shirkaan oo muhiim u ah Nabada Gobolka ayaa waxaa ka qaybgalay Maamulka Gobolka mudug iyo Maamulka Degmada Gaalkacyo ee labada maamul Puntland iyo Galmudug.
Sidookale, waxaa ka soo qaybgalay Guddiga Odayaasha Nabada Gobolka Mudug, Dhalinyarada iyo Haweenka Gobolka, waxaana shirka Diirada lagu saaray dardar galinta Nabada iyo Hirgalinta heshiisyadii Horay loo gaaray ee aagga Galbeedka Gobolka Mudug.
Agaasimaha Guud ee Wasaaradda Arrimaha Gudaha Galmudug Mudane Cumar Guure iyo Guddoomiye ku xigeenka Gobolka Mudug ee Puntland Mudane Maxamed Xasan Xuseen (Waloore) ayaa si isku mid ah u soo dhaweeyey in Nabadda Galbeedka Gobolka Mudug ay muhiim u tahay Guud ahaan Gobolka Mudug, loona baahanyahay in si wadajir ah looga qaybqaato.
